Lá Idirnáisiúnta na mBan

8ú Marta. 

Lá Idirnáisiúnta na mBan. 

Críona Ní Dhálaigh, ArdMhéara

Tá ArdMhéara Átha Cliath, Críona Ní Dhálaigh, ag cur Teach an ArdMhéara i Sráid Dásain, BÁC 2 ar fáil don phobal Gaelach ar Lá Idirnáisiúnta na mBan.  Tá an Seomra Darach ar fáil, tá soláistí ar fáil, tá scríbhneoirí ar fáil.

Coinnígí an dáta sa dialann agaibh féin. 8ú Marta. Ag tosú ar a seacht trathnóna, ar an bpointe.

Tá IMRAM ag tacú leis an ócáid, beidh siad ag eisiúint eolais mar gheall ar an ócáid ina gcuid preasráitis.

Agus Seachtain na Gaeilge

Beidh Áine Durkin ag coinneáil smacht aran lucht éisteachta  agus ar an lucht léite ar an oíche.

Áine Durkin, file, blagadóir agus bean a' tí

Ar na mná a bheas ag léamh ar an oíche, beidh -

Éilís Ní Dhuibhne Almqvist

An t-úrscéalaí, drámadóir, agus scoláire, Éilís Ní Dhuibhne. Os cionn 25 leabhar foilsithe aici, idir úrscéalta, gearrscéálta, agus ábhar taighde. Múineann sí Scríbhneoireacht Cruthaíoch i gColáiste na hOllscoile, BÁC. Ball de Aosdána agus Ambasadóir d'Áras na Scríbhneoirí.

Áine Ní Ghlinn

An scríbhneoir agus an file, Áine Ní Ghlinn. 26 leabhar scríofa aici. Dhá leabhar eile do pháistí ag teacht go luath - Hata Zú Mhamó (Cois Life) agis Hata Oisín (LeabhairCOMHAR).

Celia de Fréine

Celia de Fréine,  file, drámadóir, scriptscríbhneoir agus aistritheoir. Ocht gcnuasach filíochta atá foilsithe aici go dtí seo. Is iad Cuir amach seo dom : riddle me this (Arlen House, 2014), Blood Debts (Scotus Press, 2014) agus A lesson in Can't (Scotus Press, 2014) na leabhair is deireanaí óna peann.
www.celiadefreine.com

Anna Heussaff

Anna Heussaff, úrscéalaí agus aistritheoir leabhar. Scáil an Phríosúin (CIC 2015) a tríú húrscéal bleachtaireachta do léitheoirí fásta, é suite i gceantar stairiúil Chill Mhaighneann; agus Hóng (CIC 2012), a dara úrscéal mistéire do léitheoirí óga. Tá sí ceaptha ina Scríbhneoir Cónaithe i gColáiste Phádraig, Droim Conrach, don bhliain 2016. 
 

Éilís Ní Anluain

Éilís Ní Anluain. Colúnaí leis an Irish Times, eagarthóir le Ainm.ie.

Eagar curtha aici ar Aghaidheanna Fidil agus Púicíní le Muiris Mac Conghail (An Clóchomhar, 2009) agus Creidim Fós agus Aistí Eile le Eoghan ó hAnluain (LeabhairComhar, 2013).

Údar an úrscéil Filleann Seoirse (Leabhar Breac, 2011).

Réaltán Ní Leannáin

Réaltán Ní Leannáin. Blagadóir, scríbhneoir. Údar 'Turas Ailse' (Coiscéim) agus 'Dílis' (Cló Iar-Chonnacht)

Áine Ní Mhaoldomhnaigh-O Driscoll

Aisteoir, Stiúrthóir, Moltóir, Stiúrthóir Ealaíne an Damer. Léirmheasanna scríofa agus curtha i láthair ar an radio do dhrámaí ag an Project, an Focus, Amharclann na Mainistreach, Amharclann na Peacóige, Amharclann De hÍde, Amharclann an Geata. An Olympia, chomh maith le léirmheasanna do Féile Amharclainne Baile Átha Cliath.

Gearrscéalta, altanna agus léirmheasanna i Feasta,  altanna i  Sunday Miscellany.

Siún Ní Dhuinn

Is colúnaí í Siún Ní Dhuinn le Nósmag agus tá spéis faoi leith aici i gcúrsaí faisin sa bhfeimineachas comhaimseartha ach go háirithe. 

N.B. Mar gheall ar bhrú ama, ní bheidh aon 'open mike' ar siúl anois, ach na déantar dearmad go mbíonn a leithéid ar siúl ag @reic uair sa mhí. Gach eolas ó https://www.facebook.com/reic.eire

Agus beidh ceol curtha ar fáil -  ar bhonn deonach - ag Fionn Ó hAlmhain agus Michael Martin

.

Fionn Ó hAlmhain