Nua-Ealaín, Comórtas 2016

https://nuaealain.wordpress.com/

Cómórtas scríbhneoireachta ag https://nuaealain.wordpress.com/
- 400 focal
- léirmheas ar thaispeántas comhaimseartha ealaíne
- spriocdháta 24ú Eanáir 2016

Sonraí ANSEO

Fís 1916 - Comórtas Filíochta

Fógraíodh Comórtas Filíochta Idirnáisiúnta Thómais Mhic Dhonncha ar an téama  “Fís 1916”  .

Ar na moltóirí beidh Ann Cullen, Louis de Paor agus Ciarán Carty.

Beidh duais €1,000 agus bonn, deartha ag Robert Ballagh de Thomas Mac Donncha 1916. Beidh €500 agus €250 ar fáil don dara agus tríú duais.

Caithfidh lucht iontrála bheith os cionn 16 bliana.  Ní gá bheith i do chónaí in Éirinn.

Is féidir scríobh i mBéarla nó i nGaeilge, nó rogha teanga de inimircigh nua go hÉirinn (ach aistriúchán Béarla nó Gaeilge bheith leis).

Dáta deiridh iontrála Feabhra 29, 2016.

Tá táille iontrála ann.

Gach eolas ar fáil ar:

www.reclaim1916.ie

16ú d'Eanáir 1916

Cruinniú Cinn Bliana

16ú Eanáir 2016

An Taibhdhearc, Gaillimh

Gach eolas ó: cathalpoirteir (ag) gmail (ponc) com

AnamCara/Áras Scríbhneoirí na hÉireann 2016

SPARÁNACHTAÍ do SCRÍBHNEOIRÍ GAEILGE 
in IONAD ANAM CARA

Deis le seachtain a chaitheamh i dtearmann do scríbhneoirí ar leithinis Bhéarra

Tá sparánacht ar fáil do bheirt scríbhneoirí Gaeilge seal seachtaine an duine a chaitheamh i mbun oibre in Anam Cara, tearmann do scríbhneoirí agus ealaíontóirí atá lonnaithe ar leithinis Bhéarra in iarthar Chorcaí. Is mar chomhpháirtíocht idir Áras Scríbhneoirí na hÉireann agus tearmann Anam Cara atá an deis iontach seo ar tairiscint, agus clúdófar costais lóistín agus béilí in Anam Cara. Beidh an bheirt a roghnófar in ann an tréimhse seachtaine a oirfidh dóibh féin agus don tearmann a shocrú.

Beidh fáilte roimh iarratais ó scríbhneoirí atá lonnaithe i bPoblacht na hÉireann agus ar foilsíodh ar a laghad leabhar amháin próis nó filíochta leo as Gaeilge ag foilsitheoir aitheanta.

Iarratais:

Is ar ríomhphost amháin a ghlacfar le hiarratais agus iad le seoladh chuig director@writerscentre.ie. Ba chóir 'Anam Cara/IWC Bursaries a bheith ar líne an ábhair.

Le seoladh:

·              Litir ghairid dhátheangach (i nGaeilge agus i mBéarla) ina bhfuil do chuid sonraí pearsanta agus ráiteas gonta faoina bhfuil ar intinn agat mar shaothar ealaíne le linn an ama in Anam Cara.

·              Curriculum Vitae atá chun dáta (i nGaeilge nó i mBéarla, dhá lch. A4 ar a mhéid) agus sonraí foilseachán agus ISBNs ann.

·              Samplaí de do shaothar le tamall anuas agus iad marcáilte go soiléir (i nGaeilge, suas le trí shampla ar fad, agus uaslíon 300 focal iontu)

·              Eolas eile a bhaineann leis an tionscadal: mar shampla, sleachta, grianghraif, nótaí taighde &rl (i nGaeilge nó i mBéarla)

·              NÓTA: Bíodh na míreanna seo thuas cuimsithe in aon cheangaltán amháin, le do thoil.

Spriocdháta

Is é 25 Eanáir 2016 ag 5pm an spriocdháta. Ní ghlacfar le haon iarratas ina dhiaidh sin.

 Cuirfear admháil ar rphost chuig gach iarratasóir.

Próiseas roghnúcháin

Cuirfear na hiarratais faoi bhráid choiste roghnúcháin a bheidh ionadaíoch ar Bhord Áras Scríbhneoirí na hÉireann agus ar Anam Cara. Cuirfear litir chuig an mbeirt iarratasóirí a roghnófar faoi 8 Feabhra 2016.

Cuaird Liteartha

Fógra ó Fhoras na Gaeilge:

Cuaird Liteartha do Mhiontheangacha agus do Theangacha Mionlaigh san Eoraip

Is clár comhpháirtíochta é an tionscadal liteartha Focail Eile idir eagraíochtaí cultúrtha/teanga i réigiúin Eorpacha agus tá sé d’aidhm aige líonra de shocrúcháin chruthaitheacha a chruthú do scríbhneoirí Eorpacha i mionteangacha agus teangacha mionlaigh. Is iad na heagraíochtaí comhpháirtíochta:

⦁    Donostia Kultura agus San Sebastian 2016 (Tír na mBascach)
⦁    Foras na Gaeilge (Éire)
⦁    X-OP, malartán d’oibritheoirí agus de tháirgeoirí ealaíne (an tSlóivéin)
⦁    Fóram Óige na Mladi (an Mhacadóin)
⦁    Leeuwarde/Ljouwert 2018 (an Fhreaslainn).

Tá an chéim ullmhúcháin den tionscadal ar siúl faoi láthair agus beidh an tionscadal féin á reáchtáil le linn na tréimhse 2016-2019.

Is iad croíchuspóirí an tionscadail:

⦁    Cuidiú an litríocht a scríobhtar i dteangacha neamhfhorleathana agus mionlaigh a chur in iúl níos faide i gcéin.
⦁    Béim a chur ar thábhacht na héagsúlachta teanga.
⦁    Solas a chaitheamh ar an bpróiseas cruthaitheachta liteartha.
⦁    Aird a tharraingt ar théamaí sóisialta, saincheisteanna agus grúpaí sóisialta a bhaineann le mionteangacha.
⦁    An comhoibriú a chur chun cinn idir scríbhneoirí agus ealaíontóirí i litríocht i mionteangacha agus teangacha mionlaigh. 

Is iad na príomhchodanna den tionscadal:

⦁    Socrúcháin: Seo croí an tionscadail, atá bunaithe ar mhalartú scríbhneoirí idir régiúin éagsúla. Cuirfidh gach réigiún rannpháirteach dhá scríbhneoir le socrúchán ocht seachtaine a chur isteach in dhá réigiún comhpháirtíochta i ngach ceann de na trí bliana, agus fáilteoidh gach réigiún chomh maith roimh dhá scríbhneoir gach bliain ó réigiúin chomhpháirtíochta. Beidh 10 scríbhneoir ar fad ag glacadh páirte gach bliain.

⦁    Tionscadail chruthaitheacha liteartha: Le linn na socrúchán beidh na scríbhneoirí ag obair ar ábhair a phléann le téamaí, saincheisteanna agus grúpaí sóisialta a bhaineann le teangacha neamhfhorleathana, a mbeidh de thoradh orthu téacs liteartha a phléann leis na hábhair seo, ag coinneáil i gcónaí teagmháil agus comhoibriú leis an bpobal óstach agus ag caitheamh solais ar an bpróiseas cruthaitheach. Le cuidiú seo a bhaint amach glacfaidh na scríbhneoirí páirt i sraith tionscnamh le linn na socrúchán.  

⦁    Aistriúcháin: Mar a luadh cheana tá ar cheann de chuspóirí an tionscadail litríocht a cheaptar i dteangacha mionlaigh nó i mionteangacha a chothú agus comhoibriú a chur chun cinn idir scríbhneoirí. Aistreofar na téacsanna go léir a chruthófar le linn na socrúchán go teangacha na gcomhpháirtithe agus go Béarla. Mar gheall ar seo beimid in ann “focail eile” agus “focail daoine eile” a chomhroinnt.

⦁    Suíomh Gréasáin: Foilseofar na saothair a chruthófar sa tionscadal Beste Hitzak/Focail Eile, agus an próiseas cruthaitheach féin, ar shuíomh saindeartha. Beidh an suíomh seo ina ardán le hábhar an tionscadail a scaipeadh. 

Tá comhpháirtithe sna réigiúin eile ag obair cheana féin ar fhorbairt an tionscadail. Sa chéad chéim phoiblí lainseálfar comórtas, glao oscailte, leis na scríbhneoirí is oiriúnaí le páirt a ghlacadh sa tionscadal a roghnú. Tá critéir don chomórtas foilsithe ar an suíomh gréasáin.

Is mian linn gach scríbhneoir a spreagadh le páirt a ghlacadh sa chomórtas agus freagairt ar ár nglao oscailte. Is deis iontach é seo saothar liteartha a chruthú agus eolas a chur ar an bhfíorshaol i réigiún eile. Mar a luadh cheana, cónóidh na scríbhneoirí roghnaithe i réigiún eile ar feadh ocht seachtaine, le costais uile íoctha. Gheobhaidh siad luach saothair chomh maith.

Beidh níos mó socrúchán agus imeachtaí ann amach anseo, a fhógrófar ag an am cuí. Tabhair faoi deara go mbeidh na chéad socrúcháin do scríbhneoirí ann in earrach na bliana 2016.

Le haghaidh tuilleadh eolais cuir ríomhphost chuig focaileile@forasnagaeilge.ie.